India vs New Zealand Semi FinalUpdates, World Cup 2023: ਨਿਊਜ਼ੀਲੈਂਡ ਨੂੰ ਹਰਾ ਕੇ ਵਿਸ਼ਵ ਕੱਪ ਦੇ ਫਾਈਨਲ ‘ਚ ਪੁੱਜੀ ਭਾਰਤੀ ਟੀਮ, ਮੁਹੰਮਦ ਸ਼ਮੀ ਨੇ ਲਈਆਂ ਸੱਤ ਵਿਕਟਾਂ

ਨਿਊਜ਼ੀਲੈਂਡ ਦਾ ਚੌਥਾ ਵਿਕਟ ਡਿੱਗਿਆ
ਮੁਹੰਮਦ ਸ਼ਮੀ ਨੇ ਇੱਕ ਓਵਰ ਵਿੱਚ ਦੋ ਵਿਕਟਾਂ ਲੈ ਕੇ ਮੈਚ ਦਾ ਰੁਖ ਭਾਰਤ ਵੱਲ ਕਰ ਦਿੱਤਾ ਹੈ। ਉਸ ਨੇ ਵਿਲੀਅਮਸਨ ਤੋਂ ਬਾਅਦ ਲੈਥਮ ਨੂੰ ਪੈਵੇਲੀਅਨ ਭੇਜਿਆ। ਲੈਥਮ ਨੇ ਦੋ ਗੇਂਦਾਂ ਦਾ ਸਾਹਮਣਾ ਕੀਤਾ। ਉਹ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕਿਆ। ਡੇਰਿਲ ਮਿਸ਼ੇਲ ਦੇ ਨਾਲ ਗਲੇਨ ਫਿਲਿਪਸ ਕ੍ਰੀਜ਼ 'ਤੇ ਹਨ। ਹੁਣ ਤੱਕ ਭਾਰਤ ਨੇ 38.2 ਓਵਰ ਵਿੱਚ ਚਾਰ ਵਿਕਟਾਂ ਦੇ ਨੁਕਸਾਨ ਉਪਰ 249 ਦੌੜਾਂ ਬਣਾ ਲਈਆਂ ਹਨ।

ਨਿਊਜ਼ੀਲੈਂਡ ਨੂੰ ਲੱਗਾ ਚੌਥਾ ਝਟਕਾ
220 ਦੌੜਾਂ ਉਪਰ ਨਿਊਜ਼ੀਲੈਂਡ ਨੂੰ ਚੌਥਾ ਝਟਕਾ ਲੱਗਾ। ਟੈਮ ਲੇਥਮ ਸਿਫਰ ਦੇ ਸਕੋਰ ਉਪਰ ਆਊਟ ਹੋ ਗਿਆ। ਮੁਹੰਮਦ ਸ਼ੰਮੀ ਨੇ ਲੇਥਮ ਨੂੰ ਲੱਤ ਅੜਿੱਕਾ ਆਊਟ ਕੀਤਾ।

ਡੈਰਲ ਮਿਸ਼ੇਲ ਨੇ ਠੋਕਿਆ ਸੈਂਕੜਾ
ਡੈਰਮ ਮਿਸ਼ੇਲ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦੇ ਹੋਏ ਭਾਰਤ ਖਿਲਾਫ਼ ਸੈਂਕੜਾ ਲਗਾਇਆ। ਮਿਸ਼ੇਲ ਨੇ ਸਿਰਫ਼ 85 ਗੇਂਦਾਂ ਵਿੱਚ 100 ਦੌੜਾਂ ਪੂਰੀਆਂ ਕਰ ਲਈਆਂ ਹਨ। ਇਸ ਦੌਰਾਨ ਕੇਨ ਵਿਲੀਅਮਸਨ 69 ਦੌੜਾਂ ਬਣਾ ਕੇ ਮੁਹੰਮਦ ਸ਼ੰਮੀ ਦਾ ਸ਼ਿਕਾਰ ਬਣੇ। ਕੀਵੀਆਂ ਨੇ ਤਿੰਨ ਵਿਕਟਾਂ ਦੇ ਨੁਕਸਾਨ ਉਪਰ 32.2 ਓਵਰਾਂ ਵਿੱਚ 220 ਦੌੜਾਂ ਬਣਾ ਲਈਆਂ ਹਨ।

ਡੈਰਲ ਮਿਸ਼ੇਲ ਨੇ ਠੋਕਿਆ ਨੀਮ ਸੈਂਕੜਾ
ਭਾਰਤ ਦੀ ਗੇਂਦਬਾਜ਼ੀ ਅੱਗੇ ਡੈਰਲ ਮਿਸ਼ੇਲ ਅਤੇ ਕੇਨ ਵਿਲੀਅਮਸਨ ਦੀਵਾਰ ਬਣ ਕੇ ਖੜ੍ਹ ਗਏ ਹਨ। ਮਿਸ਼ੇਲ ਨੇ 52 ਗੇਂਦਾਂ ਵਿੱਚ 52 ਦੌੜਾਂ ਬਣਾਲਈਆਂ ਹਨ ਜਦਕਿ ਕਪਤਾਨ ਕੇਨ 47 ਦੌੜਾਂ ਬਣਾ ਕੇ ਨਾਬਾਦ ਹਨ। ਕੀਵੀਆਂ ਨੇ 24 ਓਵਰਾਂ ਪਿਛੋਂ ਦੋ ਵਿਕਟਾਂ ਦੇ ਨੁਕਸਾਨ ਉਪਰ 151 ਦੌੜਾਂ ਬਣਾ ਲਈਆਂ ਹਨ।

ਨਿਊਜ਼ੀਲੈਂਡ ਦੀ ਦੂਜੀ ਵਿਕਟ ਡਿੱਗੀ
ਨਿਊਜ਼ੀਲੈਂਡ ਦੀ ਦੂਜੀ ਵਿਕਟ 39 ਦੌੜਾਂ 'ਤੇ ਡਿੱਗ ਗਈ। ਰਚਿਨ ਰਵਿੰਦਰ 22 ਗੇਂਦਾਂ ਵਿੱਚ 13 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਮੁਹੰਮਦ ਸ਼ੰਮੀ ਨੇ ਉਸ ਨੂੰ ਲੋਕੇਸ਼ ਰਾਹੁਲ ਹੱਥੋਂ ਕੈਚ ਕਰਵਾਇਆ। ਹੁਣ ਡੇਰਿਲ ਮਿਸ਼ੇਲ ਕੇਨ ਵਿਲੀਅਮਸਨ ਦੇ ਨਾਲ ਕ੍ਰੀਜ਼ 'ਤੇ ਹਨ। ਪਾਵਰਪਲੇ ਤੋਂ ਬਾਅਦ ਨਿਊਜ਼ੀਲੈਂਡ ਦਾ ਸਕੋਰ 54/2 ਹੈ।

ਸ਼ੰਮੀ ਨੇ ਪਹਿਲੀ ਗੇਂਦ 'ਤੇ ਲਈ ਵਿਕਟ
30 ਦੌੜਾਂ ਉਪਰ ਨਿਊਜ਼ੀਲੈਂਡ ਨੂੰ ਪਹਿਲਾਂ ਝਟਕਾ ਲੱਗਾ। ਡੇਵਿਨ ਕਾਨਵੇ 15 ਗੇਂਦਾਂ ਵਿੱਚ 13 ਦੌੜਾਂ ਬਣਾ ਕੇ ਮੁਹੰਮਦ ਸ਼ੰਮੀ ਦਾ ਸ਼ਿਕਾਰ ਬਣਿਆ।

ਸ਼੍ਰੇਅਸ ਅਈਅਰ ਨੇ ਠੋਕਿਆ ਸੈਂਕੜਾ
ਭਾਰਤੀ ਬੱਲੇਬਾਜ਼ ਸ਼੍ਰੇਅਸ ਅਈਅਰ ਨੇ ਨਿਊਜ਼ੀਲੈਂਡ ਖਿਲਾਫ਼ ਸੈਂਕੜਾ ਬਣਾਇਆ। ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਅਈਅਰ ਨੇ 67 ਗੇਂਦਾਂ ਵਿੱਚ 100 ਦੌੜਾਂ ਪੂਰੀਆਂ ਕੀਤੀਆਂ।

ਭਾਰਤ ਨੂੰ ਲੱਗਾ ਦੂਜਾ ਝਟਕਾ
ਵਿਰਾਟ ਕੋਹਲੀ ਦੇ ਰੂਪ ਵਿੱਚ ਭਾਰਤ ਨੂੰ ਦੂਜਾ ਝਟਕਾ ਲੱਗਾ। ਵਿਰਾਟ ਕੋਹਲੀ 113 ਗੇਂਦਾਂ ਵਿੱਚ 117 ਦੌੜਾਂ ਬਣਾ ਕੇ ਆਊਟ ਹੋ ਗਏ। 44 ਓਵਰਾਂ ਮਗਰੋਂ ਦੋ ਵਿਕਟਾਂ ਦੇ ਨੁਕਸਾਨ ਉਪਰ ਭਾਰਤ ਦੇ 327 ਸਕੋਰ ਹੋ ਗਏ ਹਨ।

ਵਿਰਾਟ ਕੋਹਲੀ ਨੇ 50ਵਾਂ ਸੈਂਕੜਾ ਬਣਾਇਆ
ਭਾਰਤ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਨਿਊਜ਼ੀਲੈਂਡ ਖਿਲਾਫ਼ ਇਤਿਹਾਸ ਰਚਦੇ ਹੋਏ ਆਪਣਾ 50ਵਾਂ ਸੈਂਕੜਾ ਬਣਾਇਆ। ਕੋਹਲੀ ਨੇ 106 ਗੇਂਦਾਂ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ। 

ਸ਼੍ਰੇਅਸ ਅਈਅਰ ਦਾ ਨੀਮ ਸੈਂਕੜਾ ਹੋਇਆ
ਸ਼੍ਰੇਅਸ ਅਈਅਰ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਨੀਮ ਸੈਂਕੜਾ ਪੂਰਾ ਕਰ ਲਿਆ ਹੈ। ਭਾਰਤ ਨੇ ਇੱਕ ਵਿਕਟ ਦੇ ਨੁਕਸਾਨ ਉਪਰ 37.3 ਓਵਰਾਂ ਵਿੱਚ 271 ਦੌੜਾਂ ਪੂਰੀਆਂ ਕਰ ਲਈਆਂ ਹਨ।

ਵਿਰਾਟ ਕੋਹਲੀ ਦਾ ਨੀਮ ਸੈਂਕੜਾ
ਵਿਰਾਟ ਕੋਹਲੀ ਨੇ 59 ਗੇਂਦਾਂ 'ਚ ਆਪਣਾ ਅਰਧ ਸੈਂਕੜਾ ਪੂਰਾ ਕਰ ਲਿਆ ਹੈ। ਉਸ ਦੀ ਸ਼ਾਨਦਾਰ ਪਾਰੀ ਦੀ ਬਦੌਲਤ ਟੀਮ ਇੰਡੀਆ ਵੱਡੇ ਸਕੋਰ ਵੱਲ ਵਧ ਰਹੀ ਹੈ। ਉਸਨੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਧ 50+ ਸਕੋਰ ਬਣਾਉਣ ਦੇ ਮਾਮਲੇ ਵਿੱਚ ਰਿਕੀ ਪੋਂਟਿੰਗ ਦੀ ਬਰਾਬਰੀ ਕਰ ਲਈ ਹੈ। ਭਾਰਤ ਦਾ ਸਕੋਰ ਇਕ ਵਿਕਟ 'ਤੇ 200 ਦੌੜਾਂ ਨੂੰ ਪਾਰ ਕਰ ਗਿਆ ਹੈ। ਵਿਰਾਟ ਕੋਹਲੀ ਨੇ 73 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 70 ਦੌੜਾਂ ਬਣਾ ਲਈਆਂ ਹਨ। ਜਦਕਿ ਸ਼੍ਰੇਅਸ ਅਈਅਰ 20 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਭਾਰਤ ਨੇ ਇੱਕ ਵਿਕਟ ਦੇ ਨੁਕਸਾਨ ਉਪਰ 30.5 ਓਵਰਾਂ ਵਿੱਚ 220 ਦੌੜਾਂ ਬਣਾ ਲਈਆਂ ਹਨ।

ਸ਼ੁਭਮਨ ਗਿੱਲ ਜ਼ਖ਼ਮੀ ਹੋਣ ਪਿਛੋਂ ਰਿਟਾਇਰ ਹੋਏ
ਭਾਰਤ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ 79 ਦੌੜਾਂ ਬਣਾ ਕੇ ਜ਼ਖ਼ਮੀ ਹੋਣ ਮਗਰੋਂ ਰਿਟਾਇਰ ਹੋ ਗਏ ਹਨ। ਭਾਰਤ ਨੇ ਇੱਕ ਵਿਕਟ ਦੇ ਨੁਕਸਾਨ ਉਪਰ 23 ਓਵਰਾਂ ਮਗਰੋਂ 165 ਦੌੜਾਂ ਬਣਾ ਲਈਆਂ ਹਨ। ਸ਼ੁਭਮਨ ਦੇ ਬੈਠਣ ਮਗਰੋਂ ਸ਼੍ਰੇਅਸ ਅਈਅਰ ਮੈਦਾਨ ਵਿੱਚ ਉੱਤਰੇ ਹਨ ਜਦਕਿ ਵਿਰਾਟ ਕੋਹਲੀ 35 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।

ਸ਼ੁਭਮਨ ਗਿੱਲ ਦਾ ਨੀਮ ਸੈਂਕੜਾ
ਭਾਰਤ ਟੀਮ ਨੇ ਸ਼ੁਰੂਆਤ ਸ਼ੁਰੂਆਤ ਕਰਦੇ ਹੋਏ ਇੱਕ ਵਿਕਟ ਦੇ ਨੁਕਸਾਨ ਉਪਰ 13.4 ਓਵਰਾਂ ਵਿੱਚ 110 ਦੌੜਾਂ ਬਣਾ ਲਈਆਂ ਹਨ। ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੇ 41 ਗੇਂਦਾਂ ਵਿੱਚ ਆਪਣਾ ਨੀਮ ਸੈਂਕੜਾ ਪੂਰਾ ਕਰ ਲਿਆ ਹੈ।

ਭਾਰਤ ਨੂੰ ਲੱਗਾ ਪਹਿਲਾਂ ਝਟਕਾ
71 ਦੌੜਾਂ ਉਪਰ ਭਾਰਤ ਨੂੰ ਪਹਿਲਾਂ ਝਟਕਾ ਲੱਗਾ। ਰੋਹਿਤ ਸ਼ਰਮਾ 29 ਗੇਂਦਾਂ ਵਿੱਚ 47 ਦੌੜਾਂ ਬਣਾ ਕੇ ਆਊਟ ਹੋ ਗਿਆ।

ਭਾਰਤੀ ਸਲਾਮੀ ਬੱਲੇਬਾਜ਼ਾਂ ਦੀ ਸ਼ਾਨਦਾਰ ਸ਼ੁਰੂਆਤ
ਭਾਰਤੀ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਤੇ ਸ਼ੁਭਮਨ ਗਿੱਲ ਨੇ ਭਾਰਤ ਨੂੰ ਸ਼ਾਨਦਾਰ ਸ਼ੁਰੂਆਤ ਦਵਾਈ। ਭਾਰਤ ਨੇ ਬਿਨਾਂ ਕਿਸੇ ਨੁਕਸਾਨ ਦੇ 6.1 ਓਵਰਾਂ ਵਿੱਚ 59 ਦੌੜਾਂ ਬਣਾ ਲਈਆਂ ਹਨ।

ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਲਿਆ ਫੈਸਲਾ
ਭਾਰਤੀ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ ਅਤੇ ਕੀਵੀ ਕਪਤਾਨ ਕੇਨ ਵਿਲੀਅਮਸਨ ਵਿਚਾਲੇ ਟਾਸ ਹੋਇਆ। ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫ਼ੈਸਲਾ ਲਿਆ।

ਕਪਤਾਨ ਦਾ ਮੰਤਰ
ਮੈਚ ਤੋਂ ਪਹਿਲਾਂ ਦੋਵਾਂ ਟੀਮਾਂ ਦੇ ਕਪਤਾਨਾਂ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਜਿੱਥੇ ਰੋਹਿਤ ਸ਼ਰਮਾ ਨੇ ਫੋਕਸ ਦਾ ਪ੍ਰਮੁੱਖਤਾ ਨਾਲ ਜ਼ਿਕਰ ਕੀਤਾ, ਉੱਥੇ ਕੇਨ ਵਿਲੀਅਮਸਨ ਨੇ ਹਰ ਮੈਚ ਨਵੇਂ ਸਿਰੇ ਤੋਂ ਖੇਡਣ 'ਤੇ ਜ਼ੋਰ ਦਿੱਤਾ। ਰੋਹਿਤ ਨੇ ਕਿਹਾ, "ਸਾਡਾ ਧਿਆਨ ਅਗਲੇ ਦੋ ਮੈਚਾਂ 'ਚ ਚੰਗੀ ਕ੍ਰਿਕਟ ਖੇਡਣ 'ਤੇ ਹੈ। ਭਾਰਤੀ ਕ੍ਰਿਕਟਰ ਹੋਣ ਦੇ ਨਾਤੇ ਸਾਡੇ 'ਤੇ ਹਮੇਸ਼ਾ ਦਬਾਅ ਰਹਿੰਦਾ ਹੈ। ਮੈਚ 'ਤੇ ਧਿਆਨ ਦੇਣ ਦੀ ਲੋੜ ਹੈ।"